Meri haalat pe meraa ghar roye,
Zara baarish ho k chappar roye,
Is qadar tut ke chaaha bhi na tha,
Jitna hum unse bichhar ke roye,
Main to hansne ka maza lun lekin,
Kaun hai jo mere ander roye,
Door tak saath chali aayi thi,
Teri aawaaz ko chhukar roye,
Khelti nadyon ko maalum kahan,
Un ki takhleeq pe patthar roye,
Apne ash’aar pe naqqad hanse,
Aur hum unki samajh per roye.
No comments:
Post a Comment